【只是當時已食到惘然】
曾經很暴食，而暴食離不開放題。
主場，是山林道的北酒場。
我有一班自中學識落的朋友，一齊在屋企樓下青少年中心做義工，難得地，當中100%都鍾意暴食。
跟他們不知去過多少次北酒場，但凡有任何喜慶活動，都會去（沒有喜慶都照去）。
連嗌乜都仲記得。刺身船自然走唔甩，另一必食的，是牛肉鍋，亦即壽喜燒。
其實除了可以暴食，更重要是可以怒傾，傾無聊嘢傾言不及義嘅嘢，但有時，也會突然感性。
後來沒再去了，北酒場也執笠多年了。
圖中的門面，是後期，早期門面顏色主調是啡色，托金色字。
現在入夜後去山林道，只有蕭條。
其實香港好多街入夜後都很蕭條。